Przë nôsłôwniészim kamianym krãgù swiata zebrelë sã gòsce òczarzony ùszłotą Anielsczi. Swiãtowelë nôkrótszi dzéń w rokù i zôczątk zëmë.
W sobòtã 21. gòdnika ò reny szermëcë kòl 4500 òsób zebrało sã przë kamianym krãgù w Stonehenge, żebë fejrowac zëmòwą przemògã. Wiele bëtników wëdarzeniô bëło òblokłëch w ruchna nawlékającé do dôwny, pògańsczi ùszłotë Anglie. Bëlë strzód nich téż przedstôwcowie dzysdniowëch neòpògańsczich òrganizacjów. Gòsce mielë leżnosc nié blós òbzerac, ale téż dotëkac kamienie stojącé tam òd piãc tësãcy lat. Wëdarzenié òbzérelë téż òbzérnicë z całégò swiata dzãka transmisjóm na żëwò.
Wëdarzenié òrganizowóné przez bùtenrządową òrganizacjã English Heritage mô dac lëdzóm leżnosc zapòznaniô sã ze zwëkama mieszkańców dzysdniowi Anglie z cządu neòlitu a téż przez wiele jinëch epòków. Stonehenge bëło dlô môlowégò lëdztwa przez wiele stalatów môlã fejrowaniô zëmòwi przemòdżi – nôkrótszégò dnia rokù, jaczi wedle historików zapòwiôdôł nadchôdanié dłëgszich dni i miôł przëpiséwóné magiczné znaczenié.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [3-8.08]](https://cdn.cmc-gallery.pl/static/files/gallery/590/thumb__1884964_1756835684.webp)
Komentarze opinie