Reklama

Sąd nad mafijną familią w Chinach

Klëka

01/10/2025 10:32

Sztrasa w Wenzhou. Pòzdrzatkòwi òdjimk; aùtór: Fabien Lelard; zdrzódło: https://en.wikipedia.org/wiki/Wenzhou#/media/File:Shopping_street_in_Wenzhou.jpg/2

Jednôsce wëroków smiercë na nôleżników rodzëznë prowadzący nielegalné biznesë w Mianmie wëdôł chińsczi sąd.

W gardze Wenzhou we wschódnëch Chinach sąd wëdôł wëroczi na trzëdzescë dzewiãc nôleżników familie Ming, jakô w Mianmie trzimała kòntrolã nad gardã Laukkai, krótkò grańcë z Chinama, prowadząc tam nielegalné geszeftë, w tim hazard, hańdel narkòtikama i centra internetowëch szachlarstwów. Jich dzejanié w gardze òd dwa tësące piãtnôstégò rokù miało przëhalac jim kòl dzesãc miliardów juanów, w przerechòwanim kòl piãc miliardów złotëch. Òkróm samëch geszeftów mielë bëc téż winny smiercë swòjich robòtników, przetrzëmiwónëch w lëchëch warënkach i mòrdowónëch, jeżlë próbòwelë wrócëc do Chin. Pò aresztowanim grëpë przez mianmijsczé wëszëznë w dwa tësącë dwadzestim trzecym rokù głowa familie Ming Xuechang sóm sã zabił, a néga trafiła pòd sąd. Jednôsce nôleżników dostało sztrôfë smiercë, piãc sztrôfë smiercë z zawieszenim na dwa lata, jednôsce dosmiertną sôdzã, a néga wëroczi òd piãc do dwadzesce sztërzech lat sôdzë. Wiele nieùchwôconëch nôleżników rodzëznë dali dzejô w Mianmie, a part téż w Kambòdżë, w jaczi ze swòjim dzejanim rëgnãlë pò dwa tësące dwadzestim trzecym rokù.

H.S.Sz.

Załączniki