Reklama
Sagrada Familía mô ju maksymalną wëszawã
23/02/2026 09:55
Bùtno nôwëższi wieżë wiôldżégò dzeła Antonio Gaùdiégò je ju skùńczoné. Ju niewiele òstało robòtnikóm, żebë zdãżëc ze zdanim bùdowë przed dwatësąclatim Òdkùpieniégò.
Kòscół pòd wezwanim Swiãti Familie w Barcelonie bùdëją ju sto sztërdzescë sztërë lata. W piątk dwadzestégò gromicznika bùdacjô dożdała wôżnégò mòmentu – òsygniãtô òstała maksymalnô wëszawa bùdinkù. Na Wieżë Jezësa zamòntowelë górné remiã krziża, jaczi bãdze górowôł nad całoscą. Bënë negò górnégò remienia wsadzą figùrã Bòżégò Barónka aùtorstwa żłobiarza Andrei Mastrovito, a bãdze szło jã òbaczëc òd bëna kòscoła. Całô wieża razã z krziżã mô sto sétmëdzesąt dwa i pół métra wëszawë. Takno ùdało sã skùńczëc nôwôżniészé robòtë z bùtna swiãtnicë òb czas dérëjącëch całi rok òbchòdów stolatégò smiercë ji przédnégò architekta, Antonio Gaùdiégò. W pòstãpnëch dwùch latach wieżô bãdze jesz kùńczonô òd bëna. Kùńc wszëtczich robòtów òkòma swiãtnicë mô bëc przed dwa tësące trzëdzestim trzecym rokã, czej fejrowóny mô bëc Wiôldżi Jëbleùsz Òdkùpieniégò, w dwa tësące lat pò tradicjowò przëjimóny dace smiercë i zmiartwëchwstaniô Jezësa Christësa.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze