Òbwina za smierc szesnôsce niedowinnëch lëdzy padła na sztërzech mieszkańców Ùromi.
We czwiôrtk dwadzestégò sódmégò strëmiannika w gardze Ùromi w stanie Edo w Nigerie szandarzë zatrzimelë szesnôsce òsób jadącëch jednym aùtołã, jaczi mielë kòl se strzélną barniã. Nie zdążëlë jich przesłëchac i wëdowiedzëc sã do czegò jim bëła brëkòwnô, bò zdrzący na jich zatrzimanié mieszkańcë gardu ùznelë, że zatrzimóny to pasterze z lëdu Fùlbe, jaczi są w smiertnym sztridze z gbùrama przez to, że bëdło Fùlbe nikwi jich ùprawë. W kònflikce lud Fùlbë dopùszcziwôł sã midzë jinszima napadów z pòrwaniama, co scygô na nich górz lëdztwa. Wërwóny z rãk szandarów òstelë zabiti na placu, a jich cała òstałë pòdpôloné. Równak jak sã òkôzało, mieszkańcë Ùromi sã òmilëlë – zatrzimóny chłopi to bëlë jachtarze, jaczi swòji barnie ùżiwelë blós procëm zwierzãtóm. Gùbernatór stanu Edo Monday Okpebholo w piątk dôł do wiadë, że w sprawie z òbskôrżenim ò samòsąd zatrzimóny òstelë sztërzeji sprôwcë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie