Reklama

Sãdzowie Tribùnału w Hadze skôzóny

Klëka

13/12/2025 15:49

Sãdzowie MST. Òdj. Jeroen Bouman - http://www.icj-cij.org; zdrzódło: https://pl.wikipedia.org/wiki/Mi%C4%99dzynarodowy_Trybuna%C5%82_Sprawiedliwo%C5%9Bci#/media/Plik:ICJ-CJI_hearing_1.jpg

Wërok wëdóny midzë jinszima na Pùtina za wòjnowé zbrodnie na Ùkrajinie béł nielegalny – tak scwierdzył rusczi sąd.

Sąd w Mòskwie wëdôł wërok na òsmë sãdzów i prokùratorów Midzënôrodnégò Sztrôfnégò Tribùnału w Hadze. Ògłoszony béł przë niebëtnoscë skôzónëch. Dokładny akt òbwinë gôdô ò bezprawnym stëgòwanim i zatrzimanim a téż ò zmôwianim sã dlô atakù na òsobë òbjimniãté midzënôrodną òchroną. Te òsobë to rusczi prezydent Władimir Pùtin i rzeczniczka prôw dzecka Mariô Lwòwa-Biełowa. Òbskôrżony òstelë ò wòjnową zbrodniã bezprawnégò wëwòżeniô dzecy z òbsadzonëch ùkrajińsczich terenów do Rusczi. Wedle rusczégò sądu wërok tribùnału w Hadze béł nielegalny. Òsmë sãdzóm i prokùratoróm wëmierził òd trzech i pół do piãtnôsce lat sôdzë, z czegò nôwëższi wërok dostôł britijsczi prawnik Karim Khan. Wedle kòmentatorów mało mòżebné, żebë Ruscë pò prôwdze próbòwelë terô zatrzëmac skôzónëch sãdzów, chëba żebë ti przëjachelë do Rusczi. Wërok mô w przédny rédze znaczënk symbòliczny i propagandowi.

H.S.Sz.