Wikszosc financëje Dëńskô, dołożëła sã Eùropejskô Kòmisjô. Mô to bëc nôdłëgszi tunel, gdze mdze szło przejachac i aùtołã, i baną.
Midzë Niemcama a Dëńską je bùdowóny nôdłëgszi na swiece pòdwòdny tunel złożony z przódë zrobionëch segmentów. Mô òn bëc pòłożony na dnie mòrza midzë Puttgarden na niemiecczim òstrowie Fehmarn a Rødbyhavn na dëńczim òstrowie Lolland. Dzysdnia midzë tima môlëznama kùrsëje próm, jaczi mòże przëjachac zôtór Fehmarńsczi Zwãżënë w sztërdzescë piãc minut, ale pò skùńczenim bùdacje przëjôzd midzë dwùma krajama zabierze dzesãc minut aùtołã, a sétmë baną. Tunel je skłôdóny z parłãczonëch segmentów pò sétmëdzesąt trzë tësące tón. Przez całi mdze szło piãc równoległëch tunelów: dwa ze sztréką, dwa z drogą dlô aùtołów i jeden awarijny. Całi projekt mô ògrańczëc rësznotã òkrãtów i fligrów, tej w przińdnoce wëzwëskiwanié tunelu mô przëhalac zwësk dlô strzodowiszcza. Są równak wątplëwòscë, czë złégò cëskù nie bãdze miała sama bùdacjô, dlôte projekt òbjimô téż stwòrzenié trzëstahektarowégò topielëszcza, jakno òdpłacënkù nôtërze za mòżebné zôszkòdë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie