„Rejs” na Kaszëbach – tak produkcjô reklamùje sã na spòlëznowëch mediach. Mô òpòwiadac ò czile pòlsczich rodzëznach przëjachónëch na pôłniowé Kaszëbë.
Skùńczëło sã dérëjącé piãtnôsce dni krącenié midzë jinszima w Swòrach, Charzëkòwach i Chònicach pòwstôwającégò filmù pòd titlã „Swornegacie”. Mô bëc to kòmediô ò czile rodzëznach z rozmajitëch partów Pòlsczi, jaczé przëjachałë na kemping do Swòrów i dorazu zaczinają sã sztridowac midzë sobą. Aktorskô gra mô sa òpierac na improwizacje. Reżisérą filmù je Michôł Grzëbòwsczi z Łodzë. Bùdżet produkcje mô sã zamknąc w miliónie złotëch, z czegò pòłowã dałë samòrządë: gard Chònice, gminë Chònice i Kònarzënë a téż chònicczi kréz. Dzãka ùjãcóm rodë i elemeńtóm lokalny kùlturë kòmediô mô bëc wëzwëskónô w pierszi rédze do promòcje regionu. Pò skùńczenim nagraniów òstôwô mòntôż i ùmëslenié datë premiérë, jakô nôgwësni bãdze w przińdnym rokù i bãdze òbjimała pòkôzczi w Chònicach i Swòrach.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [3-8.08]](https://cdn.cmc-gallery.pl/static/files/gallery/590/thumb__1884964_1756835684.webp)
Komentarze opinie