Słowacczé ministerstwò strzodowiszcza chce latos zabic trzëdzescë procent miedwiedzów w kraju. Chòdzy ò bezpiek lëdztwa.
We strzodã drëdżégò łżëkwiata rząd Słowacczi wprowadzył apartny ùstôw w piãcdzesãt piãc na sétmëdzesąt dzewiãc krézów państwa – òbjimniãti je nim całi westrzódk i wikszi part wschòdu kraju. Na tëch terenach mô bëc przeprowadzony òdstrzél trzësta piãcdzesąt sztëk miedwiedza. Wszëtkò pò nalézenim w ùszłi weekend cała chłopa, jaczégò miôł zabic miedwiédz bùten chróniony òbéńdë, kilométer òd nôblëższégò lëdzczégò sedlëszcza. W ùszłim rokù zanotérowóné téż bëło kòl tësąc dzewiãcset pòtkaniów człowieka z miedwiedzã, czej w dwa tësące dwadzestim rokù bëło jich blós szescset piãcdzesąt. Bédënk òdstrzélu dôł minister strzodowiszcza Tomáš Taraba, chtëren tłómaczi, że jachta nie bãdze prowadzonô w nôrodnëch parkach, a zajëmac sã nią bãdą nié zwëczajny jachtarze, ale specjalné interwencjowé karna. Ùdbã skritikòwałë òrganizacje òbarnë strzodowiszcza i prôw zwierzãt, bò limit òdstrzélu ni miôłbë sëgac wëżi jak òsmëdzesąt sztëk na rok. Ze slédnëch badérowaniów czesczich ùczałëch wëchôdô, że na Słowacce żëje kòl tësąc dwasta miedwiedzów, co znaczi że pò òdstrzélu òstało bë jich blós òsmëset sztëk. Taraba scwierdzył, że to sygnie dlô rozwiju pòpùlacje. Òkróm tegò wskazéwô, że òd badérowaniów w dwa tësące dzewiãtnôstim jich lëczba mògła ùrosc nawetka dwa razë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie