Niedoszłim atakòwnikã béł sztërnôsce lat stôri Tërk z aùstriacczim òbëwatelstwã, zrzeszony z Islamsczim Państwã.
We strzodã dzewiãtnôstégò gromicznika Ministerstwò Bënowëch Sprôw Aùstrie dało do wiadë, że dzewiãc dni przódë pòlicjô zatrzimała sztërnôscelatnégò tiktokera z Tërecczi. Knôp planowôł terroristiczny atak na banowiszczu Westbahnhof we Widnie. W jegò torbie służbë nalazłë jeden nóż ò òstrzim dłudżim na szesnôsce centimétrów, drëdżi skłôdóny ò dłużawie sétmë centimétrów, a jesz fanã Islamsczégò Państwa. Jesz wicy dokazów bëło ù niegò doma: ksążczi ò islamisticzny temiznie, planë atakù na banowiszcze i biôtczi z szandarama, a téż instrukcje i materiałë do kònstrukcje bómbów. Aresztowóny òdmówił skłôdaniô zeznaniów. W aresztowanim niedoszłégò atakòwnika pòlicje pòmòglë pòdszukòwny z Państwòwégò Ùrzãdu Òchrónë Państwa i Biôtczi z Terrorizmã, jaczi nalezlë materiałë jegò aùtorstwa na TikTokù. Knôp dzélił sã na nich swòjima ekstremisticznyma pòzdrzatkama, przez co scygnął na sebie nakôz aresztowaniô.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie