Wcyg je widzec skùtczi szoru, jaczi w nocë z jednôstégò na dwanôstégò zélnika dwa tësące sétmënôstégò rokù grzimnął w pòmòrsczé bòrë.
W pòniedzôłk jednôstégò zélnika w ósmą roczëznã szoru, jaczi przeszedł przez Pòlskã i Pòmòrzé, sprôwiającë smierc piãc òsób pòd zwróconyma drzewama i w sëmie dzesãc miliónów szescennëch métrów stratów drzewa, a nikwiącë òsmëdzesąt tësący hektarów lasu, wëdarzenié òstało przëwdarzoné w Tëchòlsczich Bòrach, jaczé ùcerpiałë nôbarżi. W Dodomù Kùlturë w Ritlu tameczné nadlesyństwò zrëchtowało wëstôwk òdjimków „Szlachã za szorã”, na jaczich bëło widzec skùtczi zwiãstwa, jak krôjmalënczi drzéw pòłómónëch jak sztrëchùlce, a téż pózdniészą òdbùdowã lasu i sadzenié nowëch drzéw. Nen wëstôwk bãdze szło òbezdrzec jesz do kùńca zélnika. W Suszku w gminie Chònice kòl pamiãtnëch kamieni na wdôr pò harcerkach z Łodzë, jaczé stracëłë żëcé heny nocë, pòtkelë sã i złożëlë kwiatë wójt gminë Chònice Zbigórz Szczepańsczi, jegò zastãpnik Janusz Szczepańsczi, szôłtës Lotinia Sławòmir Bùtza, a téż delegacjô harcerzów z Łodzë. W Lotiniu òdprawionô bëła pòlowô mszô w intencje òfiarów szoru i wszëtczich lëdzy, jaczi pòmôgelë w òpòrajenim jegò skùtków.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie