Ùroczëzna ùpamiãtnieniô zgromadzëła przedstôwców wëszëznów lokalnëch, państwòwëch i zagrańcznëch.
W piątk dzewiątégò maja w Sztutowie zrëchtowóné òstałë òbchòdë òsmëdzesąti roczëznë wëzwòleniô Kòncentracjowégò Lôgru Stutthof. Na teren lôgru sowiecczé wòjskò weszło dzewiątégò maja tësąc dzewiãcset sztërdzestégò piątégò rokù, w dzéń pò nocny kapitualacje Trzecy Rzeszë. Na ùpamiãtniwający to wëdarzenié ùroczëznie pòd pamiãtnikã Biôtczi i Mãczelnictwa na terenie Mùzeùm w Sztutowie bëlë marszôłk senatu Margaréta Kidawa-Błońskô, dôwny sôdzewi lôgru, ambasadorowie Izraela Jaakow Finkelstein i Lëtwë Valdemaras Sarapinas, przedstôwcë diplomacje i samòrządów, a téż mieszkańcë. Marszôłk Senatu gôdała ò bòlestny historie tegò pierszégò bùten grańców Niemiec kòncentracjowégò lôgru i pòdsztrichiwa, że lëdze mùszą so ùważac historiã i miec jã za szkólną. Òdczëtóny béł téż lëst òd prezydenta Andrzeja Dudë, chtëren zachãcywôł do wëcyganiô wniósków na przińdnotã z tegò, do czegò mòże prowadzëc niezgara.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie