Wëszëznë Sopòtu dostóną wiadã ò wëdôwkach przëjeżdżiwającëch do kùrortu. Zapłacy za to rząd.
Sopòckô Turisticznô Òrganizacjô dostała z Ministerstwa Spòrtu i Turisticzi pół milióna złotëch na pòdwëższenié atrakcjowòscë kùrortu i badérowania nad wëdôwkama turistów. Trzësta sétmëdzesąt jeden tësący pùdze na mòdernizacjã Nadmòrsczégò Kùracjowégò Szlachù. Pòstawioné mają bëc nowé wiatë, kòsze na smiecë, stojôczi na kòła, łôwczi i ùrządzenia do cwiczeniô. Sto szescdzesąt tësący òrganizacjô dostónie midzë jinszima na dogôdanié sã z firmą Visa i ùdostanié òd ni anonimòwëch a drobnëch pòdôwków na terenie gardu. Przekôzóné samòrządowi wëniczi pòzwòlą na òbôczenié gdze i na co nôchãtni turiscë wëdôwają dëtczi przez bezgòtówkòwé płatnoscë. Dzãka temù bãdze wiedzec, jak jesz lepi dopasowac tursticzną òfertã w zanôleżnoscë òd zgrôwów mającëch górã w dónym sezonie. H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie