Piãtnôscelatnô Ùkrajinka wicy jak rok bëła w spiączce przez chłopa, chtëren ò niã zadzôł na mòtocyklu. Sądë mają tôczel z klasyfikacją jegò czënu.
Sądë w Człëchòwie i Słëpskù nie są zgòdą co do tegò, gdze bë miôł bëc prowadzony proces chłopa, jaczi w Wiérzchòwie Banowiszczu w gminie Człëchòwò w lëpińcu dwa lata nazôd jachôł spiti na mòtocyklu i wjachôł na piãtnôscelatnégò dzéwùsa z Ùkrajinë. Do zdarzeniô doszło òb wieczór czilenôsce métrów òd wiesczégò festinu. Razã ze sprôwcą jachôł drëdżi spiti chłop, jaczi nie ùdzélił pòmòcë òfierze. Dzéwczã òstało drãgò zrenioné i przez wicy jak rok bëło w spiączce. Pò grzimniãcym mòtocyklista nie dôł radë sã pòdniesc przed przëjachanim szandarów, bò miôł wnetka dwa i pół promila alkòholu w krëwie. Òbwinë dlô spitégò mòtocyklistë òbjimałë brëkòwanié pòjazdu niedopùszczonégò do ùżiwkù, nietrzézwą jazdã, sprawienié wëpôdkù, i nieùdzélenié pòmòcë. Człëchòwsczi sąd ùznôł sprawã za zbrodniã i w związkù z tim sczerowôł jã do òkrãgòwégò sądu w Słëpskù. Słëpsk równak ùznôł że nie rechùje sã pòd definicjã zbrodnie i òdesłôł akta sprawë nazôd do Człëchòwa. Termin pierszi rozprawë jest nie òstôł wskôzóny.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie