Wedle biôtkùjący ò prawa zwierzãt Fùndacje Viva! norczi zdichałë w niebrëkòwnym cerpienim. Òbróńca przekònywô, że prawò nie òstało złómóné.
We strzodã 4. gòdnika we Gduńskù rëgnął proces procëm dwùm chłopóm, jaczi chòwelë amerikańsczé norczi na gbùrstwie w Bùszkòwach kòl Kôlbùdów. Wedle pòstawionëch jima òbwinów, norczi chòwóné na fùtro bëłë przez nich zabijóné na niehumanitarny ôrt – hodówcowie krącëlë nima w lëfce trzimającë za ògònë, bilë je rãkama i wcëskiwelë na mòc do ùbòjowi skrzinie. Skarżëcelã w sprawie je Fùndacjô Viva! zajimającô sã prawama zwierzãt.
Òbróńca òbskôrżonëch nie przékùje òbwinóm, ale je dbë, że nie doszło do przesprawë. Jak tłómacził, bãdącé dzysdnia w mòcë eùropejsczé przepisë, chtërne brónią taczich praktików, tikają sã òbchòdzeniô ze zwierzãtama chòwónyma na miãso, dlôte pòstãpòwanié bë miało òstac zamkłé bez rozprawë. Jegò klijencë nie przëznôwają sã do winë, òdmówilë téż wëwidnieniów i òdpòwiesców na pitania. Pòstãpny termin procesu òstôł zaplanowóny na kùńc stëcznika przińdnégò rokù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie