Złodzeje, jaczi za cél wzãlë so jeden z pùcczich krómów, nie lëdelë dzejac krëjamkò. Żebë wlezc bënë, ùżëlë aùtoła.
W pòniedzôłk 20. stëcznika pò gòdz. 4. w nocë w Pùckù aùtół wjachôł w bùdink krómù z elektroniką. Nie béł to wëpôdk ani fela szoférë – jesz niezidentifikòwóny sprôwcë wëmierzelë swój wóz w dwiérze do krómù i célowò w nie grzimnãlë, żebë mòc dostac sã bënë. Ùkredlë z pòlëców elektroniczny sprzãt. Miéwca krómù jesz rechùje stratë, tak za ùkradłi towôr jak za rozwôloné dwiérze. Szandarzë z kriminalnégò wëdzélu Krézowi Kòmendë Pòlicje w Pùckù zabezpieczają i analizëją mònitoring, a téż zaczãlë przesłëchiwanié swiôdków nocnégò zdarzeniô. W nalézenim złodzejów mają téż pòmòc szlachë òstawioné przez jich dzejania.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie