Wëdzél Inwesticjów i Rozwiju mô òbjëmac swòjim dzejanim wszëtczé inwesticjowé pòdjimniãca kòscérsczégò krézu.
Kòscérsczé Starostwò ùsadzëło nowi wëdzél, namieniony realizacje inwesticjów kòscérsczégò krézu – Wëdzél Inwesticjów i Rozwiju. Robic tam mô trzech lëdzy, a jedna z tëch persónów mô przińc do nowégò wëdzélù z Zarządu Krézowëch Drogów. Zajëmac sã mają rëchtowanim projektów, dokùmentacje, a téż zwëskiwanim brëkòwnëch dëtków dlô starostwa i jinszich òrganów słëchającëch kòscérsczémù krézowi. Wëdzél Inwesticjów i Rozwiju mô téż prowadzëc ùtrôpë i dozerac tegò, jak realizacjô inwesticjów bãdze wëzdrzała w praktice.
Jak tłómaczi kòscersczi starosta Grégór Zabrocczi, ùsadzenié nowi jednostczi mô miec znaczënk dlô pùblicznëch zamówieniów, chtërne wëmôgają òrganizacje ùtrôpów z pòzdrzatkù na priz inwesticje. Wëdzél mô je òrganizowac dlô całégò krézu.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie