Dwaji sãdzowie zdżinãlë na placu pò zastrzélenim przez atakòwnika, chtëren pòtemù sóm sã zabił.
W sobòtã 18. stëcznika reno w Teheranie, stolëcë Iranu, do bùdinkù Nôwëższégò Sądu dostôł sã chłop, chtëren wnëkôł do gabinetu dwùch przédników apartnëch dzélów Nôwëższégò Sądu i czile razy strzélił ze swòji barnie. Pòtemù zwiornął z placu, le òb czas ùcekù zastrzélił sã sóm. Dwaji sãdzowie nie przeżëlë. Bëlë to 71-latny Ali Razini i 68-latny Mohamad Moghiseh, jaczi òd 80. lat ùszłégò stalatégò robilë w irańsczich sądach i brelë ùdzél we wiele sprawach procëm òpòzycje, òbskarżiwóny przez rząd ò szpiegòstwò i wespółrobòtã z cëzyma rządama. Moghiseh béł òbjimniãti sankcjama USA, EÙ i Kanadë. W slédnym czasu sãdzowie zajimelë sã sprawama bezpiekù państwa na nôwëższich rówiznach. Rëgnãła wëdowiédzô w sprawie. Atakòwnik ni miôł niżódny sprawë w sądze. Jegò mòtiw nie je znóny, ale media ùznałë atak za akt terroru. Irańsczi rzecznik sądownictwa Asghar Dżahangir docygô, że atak je zrzeszony z gòrzã i rozprzeniesenim wrogów rządu za skùtkòwné biôtkòwanié z terroristama i szpionama.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie