Na kònferencje NATO w Helsinkach sekretéra Mark Rutte zadecydowôł ò zwielenim bëtnoscë òkrãtów, fligrów i dronów na Bôłce, żebë pilowax mòrza przed Ruskama, co przecynają kable.
We wtórk 14. stëcznika w Helsinkach na warający tam kònferencje NATO generalny sekretéra ti òrganizacje Mark Rutte ògłosył ùsadzenié Bôłtëcczi Starżë, jakô mô dozerac Bôłtu z òsoblëwim bôczënim na zagrôżbã ze starnë Rusczi. Pò pòwtôrzającëch sã przëtrôfkach ùszkòdzeniów pòdwòdnëch kablów, ò co winowóné są òkrãté brëkòwóné przez Rusków, Nordowòatlantickô Zdrëszëna dała sã na zwielenié bëtnoscë òkrãtów, fligrów i dronów pilëjącëch mòrza, bôczącëch na wszelejaczé pòdezdrzóné jednostczi, m.jin. dlô identifikacje òkrãtów tpzw. rusczi flotë céniów. Za przëmiar kraju, jaczi radzy so z tim tôklã, Rutte pòdôł Fińską. Ji służbë zatrzimałë niedôwno rusczi tankówc Eagle S. Wstãpno bédowóny termin fùnksnérowaniô Bôłtëcczi Starżë miôł òbjëmac 90 dni, ale je mòżebnosc przedłużeniô te czasu. Państwa Zdrëszënë są zgòdą sã na to, żelë bãdze widzec jaką maklewną zagrôżbã ze starnë Rusczi. Z inicjatiwą akcje wachtowaniô na morzu wedle premiérë Donalda Tuska wëszlë przedstôwcowie Pòlsczi. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie