Reklama

Sétmë gòdzyn blokòwôł alarmòwą liniã

Klëka

17/12/2025 10:28

Òdj. z karnôla na YouTube Pòwiatowi Kòmańdë Pòlicji w Pile

Wejrowskô pòlicjô złożi wniósk ò sztrôfã dlô chłopa, chtëren szukôł swòji mëmczi.

W pòniedzôłk piãtnôstégò gòdnika òd drëdżi pò pôłnim do dzewiąti w nocë jeden chłop sztërdzesce jeden razy zwònił na alarmòwi numer. Piãcdzesąt szesc lat stôri mieszkańc wejrowsczégò krézu pòwtôrzôł wcyg, że szukô swòji matczi. Ta bëła w nen czas w jinym mieszkanim pòd dozérã blisczich. Nie zgłôszôł niżódny zagrôżbë żëcégò ani zdrowiégò. Nie słëchôł téż infòrmacjów i ùpòmnieniów òd dispòzytorów. Miast tegò szkalowôł na nich i diôblił. Wszëtczé pòłączenia òstałë ùznóné za nieùdokaznioné – chłop bez dobri przëczënë skùtkòwno blokòwôł alarmòwą liniã. Pòlicjô pòdała, że za to do sądu trafi wniósk ò sztrôfã dlô chłopa. Grozy mù za to areszt abò dëtkòwô sztrôfa do tësąc piãcset złotëch.

H.S.Sz.