Reklama

Sto lat gduńsczi archidiecezje

Klëka

31/12/2024 10:08

Kadr z filmù ò jëbleùszu na karnôlu YouTube Gduńsczi Archidiecezje (https://www.youtube.com/watch?v=W7OZvcrgl_I&t=50s)

Czej na całim swiece w katédrach fejrowelë òdemkniãcé Swiãtégò Rokù 2025, we Gduńskù swiãtowelë jesz 100-lecé rokù jistnieniô gduńsczi archidiecezje.

W niedzelã 29. gòdnika w sparłãczenim z òglowòswiatowima ùroczëznama òdmikającyma jëbleùszowi rok w Katolëcczim Kòscele, we Gduńskù bëła òdprawionô procesjô na przëwitanié rokù, w jaczim gduńskô archidiecezjô bãdze òbchôdała 100 lat swòjégò jistnieniô. 
Arcybiskùp metropòlita gduńsczi Tadeùsz Wòjda pòprowadzył procesjã, jakô szła òd kòscoła Matczi Bòsczi Królewi Pòlsczi Kòrónë do archikatedralny bazyliczi w Òlëwie. Na przódkù béł krziż z kòscoła sw. Niklosza we Gduńskù, chtëren nieslë téż na pierszi procesje Bòżégò Cała pò II swiatowi wòjnie w rëjnach stôrégò miasta.
Gduńskô diecezjô òstała ùsadzonô 30. gòdnika 1925 rokù dlô grańców Wòlnégò Gardu Gduńska przez papieża Piusa XI w bùllë „Universa christifidelium cura”, a pierszim biskùpã òstôł Edward O'Rourke. Òstała teritorialno rozszérzwionô w 1972 rokù, a w 1992 Jón Paùel II na mòcë bùllë „Totus Tuus Poloniae populus” dwignął jã do randżi archidiecezje.

H.S.Sz.

Źródło i opracowanie własne Aktualizacja: 31/12/2024 10:15