Reklama

Sto lat starżë na Westerplatte

Klëka

20/01/2026 09:59

https://pl.wikipedia.org/wiki/Wojskowa_Sk%C5%82adnica_Tranzytowa_(Westerplatte)#/media/Plik:Westerplatte_brama.jpg

Żôłnérze i mùzeùm przërôczëlë na wëdarzenié, jaczé przëwdarzëło przëbëcé pòlsczégò wòjska do eksklawë w Wòlnym Gardze Gduńskù.

W niedzelã òsmënôstégò stëcznika na Westerplatte we Gduńskù bëłë ùroczëznë na wdôr pò wôżnym wëdarzenim. Sto lat dowsladë na tim môlu kanãlë pòlsczi żôłnérze, jaczi òbjimnãlë starżã nad Wòjskòwą Tranzytową Składnicą, bùtnowim teritorium Pòlsczi w Wòlnym Gardze Gduńskù. Òbchòdë roczëznë zòrganizowôł Szesnôsti Zëławsczi Logisticzny Półk Òbróńców Westerplatte wespół z Mùzeùm Drëdżi Swiatowi Wòjnë. Òb czas apelu òdczëtóné bëłë lëstë òd prezydenta Karola Nawrocczégò i ministra nôrodny òbarnë Władisława Kòsyniaka-Kamisza. Przemôwiôł téż wódca zëławsczégò półkù, półkòwnik Pioter Pankòwsczi, jaczi gôdôł, że logisticë służą pò cëchù, ale jich robòta je dlô wòjska baro wôżnô, jeżlë jidze ò spòsobnosc do biôtczi. Na smãtarzu pòlsczich żôłnérzi bëtny òddelë tczã pòległim. Żôłnérze symbòliczno przëjachelë na òkrãce „Mewa”, a mielë na se historiczné ùnifòrmë. Pòzeszłi mòglë zwiedzëc edukacjową conã zrëchtowóną przez mùzeùm a téż wëstôwk „Pamiãc w zemi zapisónô. Archeòlogiô Westerplatte” w dôwny elektrownie Wòjskòwi Tranzytowi Składnicë.

H.S.Sz.

Załączniki