Procëmnicë atomòwi elektrownie na Pòmòrzu chcą sełac protestacjowé maile do wëszëznów wòjewództwa, państwa i Eùropejsczi Ùnie.
Do pòmòrsczi wòjewòdë, premiérë Pòlsczi i Eùropejsczégò Parlamentu trafiłë maile stowôrë „Bôłtëcczé SOS”, jakô sprocëmniwô sã bùdacje atomòwi elektrownie w gminie Chòczewò. Karno ju przódë òrganizowało pùbliczné protestë, midzë jinszima blokùjącë drodżi na terenie gminë, a tą razą przërëchtowało mòdło mailów, jaczé procëmnicë elektrownie mielë bë sełac do wspòmniónëch òdbiérców. Przédnô òbwina tikô sã kwestie wëcãcô trzësta dzewiãc hektarów lasu, a téż nierechòwanim sã ze zdanim mieszkańców gminë Chòczewò i turistów. Òrganizacjô zachãcywô do zaléwaniô òdbiérczich kastów wiadłama, jaczé przërëchtowała w jãzëkach pòlsczim i anielsczim. Jak mòże przeczëtac na internetowi starnie Bôłtëcczégò SOS: „Stowòra pòwstała, żebë barnic nôtërnëch nadmòrsczich òbéńdów Bôłtëcczégò Sztrądu przez zagrôżbama zjiscywónyma przez projekte instalacje i nuklearny infrastrukturë, a téż jinszima technicznyma pòdjimniãcama ingerującyma w ekòsystem [...]”.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie