W słodczëznie zebróny przez dzecë òb Halloween nalazłë sã jigłë i sztëczczi òstrégò metalu.
Pò chòdzenim za słodczëzną z leżnoscë Halloween w czwiôrtk 31. rujana wieczór w czile bómkach, jaczé òd mieszkańców dostałë dzecë we wsë Gòdzëszewò w gminie Skarszewë, nalazłë sã jigłë. Pò òpùblikòwanim w spòlëznowëch mediach pòsta z òstrzégą przez szôłtëskã wsë, Édwardã Rekòwską, nalazłé sã pòstãpné przëtrôfczi òstrégò metalu pôwsôdzónégò w bómczi rozdóné dzecóm. Sprawa òstała zgłoszonô na pòlicjã, jakô zacznie wëdowiédzã i szëkba za lëdzama, jaczi przërëchtowelë taką niebezpieczną dlô żëcégò słodczëznã. Òstro pòtãpił ten czin téż bùrméster Skarszew, Jack Paùli.
Pòlicjô stôrogardzczégò krézu pòdôwô, że ni ma infòrmacjów ò lëdzach pòrenionëch na skùtk zdarzeniô. Wszëtcë, jaczi mògą ùdzelëc infòrmacjów ò òstrzach zataconëch w bómkach, są proszony ò kòntakt z szandarama pòd numrã 47 74 27 222 abò 112.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie