Pòmòrskô wòjewòda copnãła zgòdã na pòstawienié hotelu przez narëszenia prawa. Môlowi strzodowiszczowi dzejarze nie kùńczą biôtczi ò zabezpieczenié placu przed deweloperama.
Béjata Rutkewicz ùniewôżniła wëdóną przez lãbòrsczégò starostã zgòdã na pòstawienié hotelu przë szasëje Nadmòrsczi w Łebie. Procëm bùdacje bëłë lokalné strzodowiszczowé òrganizacje i bùrmésterka Łebë Agnés Derba. Hotel razã z całą dodôwkòwą infrastrukturą do jegò òbsłëdżi miôł kanąc na Sarbsczi Sztremlëznie niedalek chróniony òbéńdë. Zgòda òsta ùniewôżnionô przez narëszenié strzodowiszczowëch regùlacjów a téż niezgòdnosc projektu z òbrzesziwającym planã rëmòwégò zagòspòdarzeniô. Tomôsz Laskòwicz, radny lãbòrsczégò krézu i przedstôwca zarządzënë Stowôrë Pòmòrsczi Dodóm, je rôd z decyzje wòjewòdë, ale pòdsztrichiwô téż, że brëkòwné są dalszé systemòwé dzejania dlô zabezpieczeniô Sarbsczi Sztremlëznë przed przekrãcznotą pòstãpnëch inwestorów, jaczi ju òd dwa tësące szestnôstégò rokù próbùją wëbùdowac wiôldżi hotel pòd Łebą.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie