Atakòwnicë nôgwësni nôleżelë do mùzelmańsczich karnów biôtkùjącëch z indijsczima wëszëznama.
We wtórk dwadzestégò drëdżégò łżëkwiata na górsczi łące Baisaran, pòpùlarny turisticzny atrakcje piãc kilométrów òd gardu Pahalgam w regionie Kaszmiru, doszło do atakù na turistów. Czile nierozpòznónëch jesz swiôdków zaczãło strzelac z blëska do lëdzy, jaczi szpacérowelë pò dolëznie i robilë so òdjimczi. Wedle relacjów swiôdków, za cél brelë so nié-mùzelmanów. Zdżinãło co nômni dwadzesce òsób, a wiele wicy mòże bëc renionëch. Dokładné pòdanié lëczbë je drãdżé, bò służbóm drãgò dostac sã na môl zdarzeniô – łąka Baisaran je przistãpnô abò piechti abò z lëftu. Krótkò pò atakù na placu pòjawilë sã żôłnérze, chtërny razã z szandarama òdcãlë wéńscé na môl strzélindżi i rëgnãlë scëgac atakòwników. Premiéra Indiów Narendra Modi zapòwiedzôł, że pòtkają sã ze sprawiedlëwòscą. Òd zôczątkù kònfliktu midzë Indiama a Pakistanã ò Kaszmir z ùdzélã rebeliancczich mùzelmańsczich karnów, ataczi na cywilów zdôrzałë sã rzôdkò. Szef regionalnégò rządu Omar Abdullah scwierdzył, że je to nôwikszi taczi atak, jaczi lëdze mielë widzóné w slédnëch latach.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie