Dwùch rusczich szandarów pòsztridało sã i sygło pò barniã, co skùńczëło sã smiercą jednégò z nich.
W pòniedzôłk dwadzestégò szóstégò maja na drodze niedalek wsë Wësoczé pòd Òrszą w Biôłorusce pòtkelë sã dwaji rusczi szandarzë, major i pòdpôłkòwnik. Wedle mediów doszło midzë nima do słownégò sztridu, przez jaczi miele sygnąc pò swòje pistole. Zdżinął stôrszi z dwùch chłopów. Cało sztërdzescëpiãclôtka, wedle kòmùnikatu biôłorusczégò Ministerstwa Bënowëch Sprôw, òstało nalazłé niedalek aùtoła bez rejestracjowëch tôflów. Milicjô zatrzimała sztërdzescëjedenlatnégò chłopa, jaczi nôgwësni pòstrzelił swòjégò kamrôta, co dowiodło gò do smiercë. Nie je wiedzec, ò co sã spiérelë, ani co robilë w Biôłorusce. Òpòzycjowé media docygają, że mòglë specjalno przëjachac, żebë zrobic na terenie Biôłorusczi nielegalny pòjedink, ale nie pòcwierdzywô tegò ministerstwò.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie