Reklama

Stôwianié mòstów kùńsztã

Klëka

22/01/2026 19:38

Òdj. z facebookòwi starnë: Artystyczne mosty czasu

Ùtwórczé dzejanié mô bëc pretekstã do gôdczi ò tôklach, jaczé są znanką tak młodoscë jak stôroscë. Takô je ùdba warkòwniów prowadzonëch przez szkòlôków ze Serakòjc.

W òbrëmim òglowòpòlsczégò programù „Zwòlniony z teòrie” szkòlôcë z Krézowégò Karna Szkół w Serakòjcach prowadzą seriã ùtwórczich warkòwniów dlô młodzëznë i seniorów. Titel warkòwniów to „Artisticzné Mòstë Czasu”. Ùczãstnicë wëcmanim malëją, warzą abò twòrzą artisticzné instalacje, ale przédny cél to stwòrzenié rëmù do rozmòwë. Òrganizatorzë mają ùdbóné dawac cësk na jiwrë, jaczé tikają sã tak młodëch jak stôrëch, chòc na rozmajiti ôrt, jak samòta, izolacjô i felënk wspiarcô. Chcą pòkazac, że pòkòleniowé rozjinaczënë mògą bëc nié bariérą, a zdrojã inspiracje. W gòdnikù na warkòwnie pòprzëchôdało kòl szescdzesąt ùczãstników, w tim nôleżnicë kòłów wiesczich gòspòdiniów z Serakòjc, Gòwidlëna, Królewsczi Kamiéńcë, Klubù Seniora a téż partu Kaszëbskò-Pòmòrsczégò Zrzeszeniégò w Serakòjcach. Nôblëższé warkòwnie bãdą we strzodã dwadzestégò ósmégò stëcznika w pôłnié w Krézowim Karnie Szkół w Serakòjcach. Rôczony są młodi ë stôri, a w programie warkòwniów je zdobienié kùszków.

H.S.Sz.

Załączniki