Lëzëno zaczãło ùroczësté swiãtowanié swòjégò 780-lecô. Z ti leżnoscë w tameczny bibliotece m. Léòna Roppla béł òtemkłi wëstôwk "Felix Cassubia - Òd Gduńska tu, jaż do Roztoczi bróm"
Pò przëwitanim gòscy przez direktórkã Kristinã Kòtowską i wójta Jarosława Wejera wiérztã ò Lëzënie przeczëtôł Mark Zelewsczi, a pòtemù béł akòrdionowi kòcert Paùla Nowaka, chtëren prezentowôł swòje dokazë, jaczé pòwstałë do czile kaszëbsczich filmów.
W drëdżim dzélu ùroczëznë Dark Majkòwsczi prowadzył òbgôdkã z ùtwórcama i przedstôwcama institucji, jaczé włączëłë sã w ùsadzenié wëstôwkù "Felix Cassubia". Brelë w ni ùdzél: senatór Kazmiérz Kleina, Barbara Kąkòl (Kaszëbsczé Mùzeùm w Kartuzach), Andrzéj Bùsler (Kaszëbsczé Fòrum Kùlturë w Gdinie) i Aleksandra Selickô (Mùzeùm Kaszëbskò-Pòmòrsczi Pismieniznë i Mùzyczi we Wejrowie).
Twoje zdanie jest ważne jednak nie może ranić innych osób lub grup.
Komentarze opinie