Rutinowô kòntrola doma ù chłopa z „mòdrą kartą” naprowadzëła pòlicjã na ùkriwóné przez niegò narkòticzi. Grozy mô do 10 lat sôdzë.
W pòniedzôłk 30. gòdnika bëtowskô pòlicjô przeprowadzëła rutinową kòntrolã ù 34-latnégò mieszkańca gminë Parchòwò, chtëren miôł tpzw. „mòdrą kartã” na skùtk pòdezdrzeniô domôcy przemòdżi. Chłop zachòwiwôł sã nerwés kòl szandarów, chtërny chcelë sprawdzëc warënczi, w jaczich mieszkô, le w kùńcu wpùscył jich dodóm. Bënë na jedny szafce szandarzë nalezlë wecz fùl sëszonëch roscënów. Òkôzało sã, że je to marihuana, jaką 34-latk sóm sobie ùprôwiôł, do czegò téż sã przëznôł. Pòlicjô dali przeszukała mieszkanié i nalazła pòstãpné weczi a fòliowé mieszczi z narkòtikã i jednã roscënã indijsczi kònoplë chòwóną w apartny jizbie. Razã szandarzë zabezpieczëlë 550 g sëszony marihuanë i sétmë chłądów indijsczi kònoplë z kwiatã. Za jich trzimanié i ùprawã chłopù grozy nawetka 10 lat w sôdzë.
Twoje zdanie jest ważne jednak nie może ranić innych osób lub grup.
Komentarze opinie