Na 13. i 14. stëcznika miasto Gduńsk przërëchtowało wëdarzenia, jaczé mają ùczestnic prezydenta zabitégò òb finał WÒSP w 2019 rokù.
W pòniedzôłk 13. stëcznika w Gduńskù rëgnãłë òbchòdë ùpamiãtniwającé prezydenta gardu Paùla Adamòwicza, jaczi zdżinął 13. stëcznika 2019 òb czas miesczégò finału Wiôldżi Òrkestrë Swiãteczny Pòmòcë. Cãżkò reniony nożã przez Sztefana Wilmònta, ùmarł pòstãpnégò dnia w bòlëcë. W szóstą roczëznã mòrdarstwa na Wãglowim Tôrgù w Eùropejsczim Centrum Solidarnoscë we Gduńskù bëła ùroczëzna òdkrëcô pamiãtnikòwi tôflë na wdôr Adamòwicza. Ùdzél w wëdarzenim wzãła dzysdniowô prezydentka Gduńska Aleksandra Dulkewicz, a strzód gòscy béł m.jin. prezydent Warszawë Rafôł Trzaskòwsczi. Tôfla w ECS mô przëbôczëwac rolã prezydenta w ùsadzenim institucje. Na 13. i 14. stëcznika òstałë zaplanowóné téż jinszé wëdarzenia zrzeszoné z roczëzną. W pòniedzôłk bëło złożenié kwiatów pòd tôflą kòl gduńsczi Katownie i midzëwëznaniowô mòdlëtwa w Mariacczi Bazylice, a we wtórk ùkłôdanié serca ze znitów na Placu Solidarnoscë czë mszô swiãtô w Mariacczi Bazylice w intencje prezydenta.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie