Reklama

Ùszkòdë na swiãti górze Kùmijajów

Klëka

09/04/2026 15:11

Cuchumá niedalek Tecate. Òdj. UncleMunkle; zdrzódło: https://en.wikipedia.org/wiki/Tecate_Peak#/media/File:Kuuchamaa.jpg

Amerikańsczi robòtnicë stôwiający mùr na grańcë z Meksykã ùżëlë wëbùchòwëch ladënków w przék prawù.

Mùr bùdowóny na grańcë Zjednónëch Stanów z Meksykã dlô strzimaniô nielegalny imigracje z Meksykù je stôwióny przez zberk grzëpë Cuchumá niedalek meksykańsczégò gardu Tecate. Na grzëpie przez lata ùznôwóny za swiãtą przez tameczné rodné lëdztwò Kùmijajów dzejô archeòlogiczné stanowiszcze, gdze badérowie pònalôżelë sétmëdzesąt jeden szlachów dzejaniów ritualnëch, pògrzebòwëch a symbòlicznëch. Kùmijajowie wcyg òdwiédzają górã òb czas pôłnie miesądza a równonoców dlô mòdlëtwë, chòc òd czasu zaòstrzeniô migracjowi pòliticzi amerikańskô administracjô òprzestała jim wëdawac zgòdë na przelôżanié przez grańcã. Robòtnicë stôwiający mùr na zberkù górë ùżëlë wëbùchòwëch materiałów, co doprowadzëło do ùszkòdów stanowiszcza pò amerikańsczi starnie grańcë. Narëszonô òstała téż sztruktura trzëdzescëpiãcmétrowégò mònolitu. Detonacjô w taczim placu bëła w przék reglóm Krajewégò Rejestru Historicznëch Placów i ùstawù ò nôrodny òchronie zaòstałosców.

H.S.Sz.

Źródło i opracowanie własne