Reklama

Szkòlôcë w lãbòrsczim krézu w pòszëkù na krizys

Klëka

06/11/2025 10:23

W nowëch rubzakach dotëgòwónëch do szkół ni ma ksążków – do czëtaniô bãdą landkartë a instrukcje òbsłëdżi.

We wtórk czwiôrtégò smùtana w Krézowim Edukacjowim Centrum w Lãbòrgù starosta Tomôsz Lëtwin i wicestarosta Adrión Wenta pòtkelë sã ze szkòlôkama wëżispòdlëcznëch szkòłów i jich szkólnyma. Mówilë do nich ò sprawach bezpiekù, a jich szkòłóm przekôzelë rubzaczi przedërchaniô. W kòżdim rubzakù je pò szesc miechów, a w nich zachë do ùżiwkù wedle mòdułów taczich jak pierszô pòmòc i wiodro, elektronika i dokùmentë, schòwa i spik, higiena, jestkù i pickù, przedërchanié i samòòbarna. Te rubzaczi mają służëc do edukacje – bãdą pòkazéwóné na zajmach z edukacje do bezpiekù, jakno przëmiar mający ùswiądnic, jaczé rzeczë mògą bëc nôbarżi brëkòwné w czasu krizysu. Jak gôdôł starosta, taczé rubzaczi zagwësniwają przedërchanié w drãdżich warënkach do sétmëdzesąt dwùch gòdzyn, ale mògą sã téż przëdac na przëmiar na wanodze pò górach. Fardich zestôwczi kòsztają òd półtora do trzech i pół tësąca złotëch, ale jidze je téż samémù skómpletowac za wiele mni ë trzëmac je doma.

H.S.Sz.