Reklama

Szkòłowô strzelinga w Szwédzczi

Klëka

05/02/2025 18:05

https://www.youtube.com/@orebrouniversity6652

Wedle pòlicje zdżinãło kòl 10 lëdzy, w tim sóm atakòwnik. Zdarzenié ni miało związkù z terrorizmã.

We wtórk 4. gromicznika w Örebro, 200 km na zôpôd òd Sztokholmù, 35-latny chłop kòl gòdzënë 12.33 zaatakòwôł szkòłã dlô dozdrzeniałëch na terenie kampùsu Risbergska wespółdzelonégò ze szkòłama, w jaczich ùczą są dzecë. Atakòwnik miôł aùtomaticzną barniã, jaką strzelôł do ùczniów. Zdżinãło kòl dzesãc òsób, w tim sóm sprôwca – pòlicjô przestrzégô, że lëczba òfiarów mòże sã zmienic z pòzdrzatkù na piãc cãżkò renionëch, chtërnyma zajãłë sã bòlëcë. Wszëtcë zabiti i reniony bëlë dozdrzeniałi. 35-latk pòdłożił téż w szkòle òdżin. Nôgwësni dzejôł sóm, a jegò atak nie béł sparłãczony z terrorizmã. Mieszkôł w Örebro, miôł pòzwòlenié na barniã, nie sprôwiôł wczasni jiwrów.
Premiéra Szwédzczi Ulf Kristersson wërazył smùtk z pòwòdu zdarzeniô, chtërne pòzwôł nôgòrszą strzelingą w historie kraju. Przekôzôł téż, że w związkù ze smiercą sprôwcë stojizna je sztabilnô, a mieszkańcë ni mùszą sã ju niczegò bòjec.

H.S.Sz.

Źródło i opracowanie własne