Reklama
Ùszłi prezydent rëchli przewiozłi do sôdzë
23/11/2025 11:43
Domôcy areszt Jaira Bòlsonaro za przegadiwanié Amerikanów do interwencje w Brazylie miôł sã skùńczëc dopiérze za czile dni, ale Nôwëższi Sąd béł dbë, że pòlitik mòże chcec zwiornąc.
Ùszłi prezydent Brazylie Jair Bòlsonaro òstôł prewencyjno zatrzimóny w swòji chëczë w sobòtã dwadzestégò drëdżégò smùtana. Pòlitik béł w domôcym areszce – w założenim stodniowim – chtëren prawie òstôł skrócony, bò do sôdzë miôł òstac przewiozłi dopiérze za czile dni. Skôzóny béł na niã za próbã pùczu pò straconëch welacjach w dwa tësące dwadzestim drëdżim rokù. W domôcym areszce béł za przëgadiwanié władzów Zjednónëch Stanów do interwencje w célu strzimaniô procesu procëm niemù. Dlôcze szandarzë przedwczasno wrëgnãlë do Bòlsonaro dodóm i zabrelë gò do sôdzë. Wëwidnił sprawã sãdzã Nôwëższégò Sądu Alexandre de Moraes. Scwierdzył, że bëło wësoczé rizykò ùcekù ùszłégò prezydenta. Jegò przëstojnicë blëżi terminu zjinaczi fòrmë sztrôfë zaczãlë òrganizowac rëchawë i protestë, chtërne wedle sądu mògłë zagrozëc aresztowi. Sãdza gôdôł téż ò dokazach na to, że Bòlsonaro miôł rëchli starã ò dostanié azylu w Argentinie. Òbskôrżony òdrzucô wszëtczé òbwinë, jaczé czerëją procëm niemù.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie