Reklama
Szpańskô rëchtëje sã na hëc
19/12/2025 10:09
Gòrącé lata dokôzałë, że samòrządë, jaczé pòùsôdzałë place do òchłodë w nôgòrãtszé dni, dobrze zrobiłë. Terô twòrzenié taczich schronów mô bëc krajewim sztandardã.
Na kònferencje we strzodã sétmënôstégò gòdnika premiéra Szpańsczi Pedro Sanchez ògłosył, że planowóné je ùsadzenié państwòwi sécë klimaticznëch schronów. Miałëbë to bëc klimatizowóné rëmë z placã do sedzeniô i wòdą do picô za darmôka, wëdzeloné w pùblicznëch bùdinkach. W ùżiwkù mają bëc òb lato, òb czas hëcë, żebë lëdze mielë gdze sã òchłodzëc w nôgòrãtszé dni. Wësoczé temperaturë w Szpańsce to jawerny tôczel – latos strzédnô temperatura òb lato to bëło dwadzesce sztërë i dwie dzesąté gradu Celsjusza. Same klimaticzné schronë to nie je w Szpańsce nowô ùdba – jistnieją òne w niechtërnëch regionach, wprowadzoné przez samòrządë, midzë jinszima w Katalonie, Baskònie i Mùrcje. Jakno, że tam sã przëjãłë, rząd dôł sã na jich wprowadzenié w całim kraju. Premiéra Sanchez dôł do wiadë, że w pierszi rédze bãdą twòrzoné w tëch òbéńdach, gdze latnô hëc nôbarżi lëdzóm doskôcô.
H.S.Sz.
Aktualizacja: 19/12/2025 10:17
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie