Reklama

Sztatura szëra-heroji

Klëka

06/04/2026 11:46

https://apopo.org/latest/in-loving-memory-of-magawa/?v=0b3b97fa6688; za: https://en.wikipedia.org/wiki/Magawa#/media/File:Magawa_in_2020.jpg

Malawa béł jednym z wiele szërów brëkòwónëch w rozminowiwanim Kambòdżë, ale mało chtëren przeszukôł tëli terenu co òn. Jegò wikszô szlachòta stanãła w Siem Reap.

W sobòtã czwiôrtégò łżëkwiata béł Midzënôrodny Dzéń Wiédzë ò Minach, ùsadzony przez Òrganizacjã Zjednónëch Nôrodów dlô rozkòscérzaniô swiądë ò zagrôżbie minama i brëkòwnoce jich rëmaniô w krajach, gdze wòjnë sã pòkùńczëłë, a ledze dali są w niebezpiekù. Z ti leżnoscë w Kambòdżë w gardze Siem Reap dzéń rëchli òdtacëlë kamianną sztaturã szëra Magawë. Béł to przedstôwca gatënkù gambijsczégò wiôlgòszëra, wëtrenowóny przez belgijską bùtenrządową òrganizacjã cwiczącą szërë a téż psë do wëzwëskaniô w rozminowiwanim zagrożonëch terenów. Kambòdża przez domôcą wòjnã w sétmëdzesątëch latach czë pòtemù kambòdżańskò-wietnamsczé wòjnë i kòfliktë je dzysdnia jednym z nôbarżi zaminowónëch krajów swiata. W ùprôwianim ti stojiznë niemało, przënômni jak na swòjã miarã, pòmógł prawie szur Malawa. Béł jednym z nôskùtkòwniészich „szërów-herojów” wëchòwónëch przez belgijską òrganizacjã. Òb czas swòji służbë wëczëscył wicy jak sto sztërdzescë jeden tësący kwadratkilométrów terenu i béł w sztãdze przesznëkrowac wiéchrzëznã tenisowégò kòrtu w dwadzesce minut. Za te òsygniãca w dwa tësące dwadzestim rokù dostôł Złoti Medal britijsczi charitatiwny òrganizacje Lëdowi Skłôd dlô Chòrëch Zwierzãt, przëznôwóny zwierzãtóm, co sã wëkôzałë dzyrżkòscą a òddanim swòjim òbrzészkóm. Z tim téż medalã szurã pòkôzelë na sztaturze, jakô razã z palôrã je tak wësokô jak człowiek. Malawa zdechł w dwa tësące dwadzestim drëdżim rokù. Béł òsmë lat stôri.

H.S.Sz.

Źródło i opracowanie własne