Projekt pòznańsczich badérów i kaszëbsczich nadlesyństwów mô bëc pierszim taczim eksperimentã na swiece.
W nadlesyństwie Kartuzë rëgnął pilotażowi program namieniony szãtopierzóm. Chiropterolodzë, to je znajarze òd szãtopierzów, Andrzéj i Jolanta Wãglowie z Przërodnégò Ùniwersytetu w Pòznaniu w wespółrobòce z lesnyma z nadlesyństwów kartësczégò i wejrowszczégò przeprowadzelë akcjã w gòspòdarczich lasach, gdze wëbróné miartwé drzewa mają bëc nacynóné i klinowóné, a téż mają bëc w jich òkòlim wiészóné rëskinowé bùdczi. Na taczi ôrt mają pòwstac szlachùjącé za nôtërnyma rëskinama w pniach i pòd kórą tacówczi dlô zôpadnégò mòpka (Barbastella barbastellus), jednégò z nôbarżi zagrożonëch gatënków szãtopierzów w Eùropie. Ten gatënk mô wëstãpòwac blós w ekòsystémach ò nôlepszi rówiznie, ale nawetka w taczich mòże gò nie bëc, żelë mòpk prosto nie naléze so pasownëch schòwów. Do ju zamòntowónëch bùdków zaczãłë wlażac jinszé gatënczi szãtopierzów, ale badérowie bãdą dali cyglë òbserwacje. Rechùją na to, że ùdô sã dozdrzec mòpka, co bëłobë wôrtną infòrmacją dlô nadlesyństwów i nôùkòwégò strzodowiszcza.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie