Kòncert wszëtczich wiekòwëch grëpów parłãcził sã z pòdzãkòwaniama i przëznanim òdznaczeniów za zasłëdżi prowadników karna.
W niedzelã dwadzestégò ósmégò łżëkwiata wew Brusach fejrowelë sztërdzestą piątą roczëznã pòwstaniô Kaszëbsczégò Fòlkloristicznégò Karna „Krëbanë”, nôwikszégò fòlkloristicznégò karna na Kaszëbach. Zòrganizowelë kòncert, w jaczim wëstąpilë tuńcownicë i mùzycë ze wszëtczich wiekòwëch grëpów słëchającëch karnu, a je w nim przez dwasta nôleżników. Na ùroczëznie òkróm mùzycznëch wëstãpów na wniósk bùrméstra Brus Witolda Òssowsczégò czerowniczka karna Katarzëna Kamrowskô dostała òdznaczenié Ministra Kùlturë „Zasłużony dlô Pòlsczi Kùlturë”. Ògłoszoné téż bëło przëznanié titlu honorowégò òbëwatëla gminë Brusë Władisławòwi Czarnowsczémù, załóżcë i pierszémù czerownikòwi karna, ò czim ùchwôlënkã na nadzwëczajny sesje Miesczi Radzëznë wew Brusach zadecydowelë w ùszłi piątk brusczi radny.
Twoje zdanie jest ważne jednak nie może ranić innych osób lub grup.
Komentarze opinie