Reklama
Sztërdzescë tësący nowëch Aùstriôków
28/01/2026 14:20
Lëdze, jaczi ùdostelë òbëwatelstwò na specjalnëch warënkach, to òtroctwò òfiarów nazyzmù.
We wtórk dwadzestégò sódmégò stëcznika generalnô sekretôrz Aùstriacczégò Nôrodnégò Fùnduszu dlô Òfiarów Nazyzmù Hannah Lessing dała do wiadë, że òd zjinaków w prawie w dwa tësące dwadzestim rokù przez sztërdzescë tësący Żëdów z całégò swiata dostało aùstriacczé òbëwatelstwò. Są to òtrokòwie Żëdów, jaczi wëjachelë z Aùstrie òb czas nazystowsczich stëgòwaniów. Dlô nich je zrobiony wëjątk w prawie, bò zwëczajnô regla je takô, że w Aùstrie ni mòże miec dëbeltnégò òbëwatelstwa, a téż że do dostaniô aùstriacczégò mùszi zamieszkac w Aùstrie. Dlô òtroków stëgòwónëch taczich wëmôganiów ni ma. Przódë taczé zletczenié słëchało rodzëznóm zabitëch òb czas holokaùstu. Wicy jak pòłowa lëdzy, co sã decydëje na ùdostanié òbëwatelstwa na taczich warënkach, je z Izraela, a dalszé place zajimają Żëdzë żëjący w Zjednónëch Stanach i Wiôldżi Britanie. Jakno, że machtny part nowëch òbëwatelów ni mô ùdbóné w Aùstrie zamieszkac, nowé przepisë mają w przédny rédze symbòliczny charakter. Hannah Lessing rzekła, że tak wiôlgô lëczba zainteresowónëch w tak krótczim czasu to swiôdectwò zawierzeniô Aùstrie i dokôz na ùznanié ji rozrechòwaniô sã z ùszłotą.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze