Media pòdôwają, że nôgwësni jidze ò nieùmëslné sprawienié smiercë abò nieùdzelenié pòmòcë. Cało knôpa òstało nalazłé w zeżôlonym bùdinkù.
Ùpadłi industriowi park Fairfield w gardze Gateshead w nordowo-wschódny Anglie òd dôwna biwôł môlã schôdaniô sã młodzëznë, co rzeszëło sã z nikwienim òbiektu przez jichné pòjużné zôbawë i rojbrowanié. W piątk drëdżégò maja pò ósmi wieczór służbë dostałë zgłoszenié ò wiôldżim ògniu, jaczi wëbùchł w jednym z pùstëch bùdinków. Pò przëjachanim ògniarzów i ùgaszenim płomieniów, pòpielëszcze òstało przesznékrowóné. Bënë nalazło sã cało szternôscelatnégò Laytona Carra. Knôp zadżinął czile dni przódë, a pòlicjô miała infòrmacje, że mòże bëwac w parkù Fairfield. Szandarzë nie pòdelë drobnotów wëdowiédzë pòdjimniãti w związkù z tragedią, ale ju pòstãpnégò dnia aresztowelë sztërnôsce dzecy òbskôrżonëch ò sprawienié smiercë swòjégò rówiesnika. Je to jednôsce knôpów i trzë dzéwczãta w wiekù òd jednôsce do sztërnôsce lat. Drëchòwie rodzëznë òfiarë rëgnãlë z internetową zbiérką dëtków na òpłacenié kòsztów jegò pòchówkù. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie