Reklama
Szukają ruchnów na wëstôwk wiesczi módë
23/02/2026 12:18
Fòlkloristiczné òbleczënczi bãdą miło widzóné, le mùzeùm rechùje téż na barżi codniowé ekspònatë.
Òddzél Etnografie Nôrodnégò Mùzeùm we Gduńskù zaczął przërëchtowania do nowégò wëstòwkù pòd robòcą pòzwą „Wieskô móda”. Mô òn pòkazac szeroczi rozcyg ruchnów, jaczé czedës nosëlë abò dzysdnia òblôkają na kaszëbsczich wsach. Do tegò proszą mieszkańców regionu ò zgłoszenia ekspònatów ze swòjich szpiniów, chtërne chcelëbë pòkazac na wëstòwkù. Nie chòdzy leno ò tipiczné, bòkadno zdobioné swietlicowé stroje, le téż ò òbleczënk codniowi, w tim do robòtë, chtëren mòże bëc spòsobã pò starkach, ale téż czims, co i dzysdnia je w ùżëcym, a dlô miéwcë mô wiôlgą wôrtnotã. Zgłoszenia mùzeùm przëjimô przez specjalny fòrmùlôrz. Òkróm ekspònatów, kùratorzë szukają téż wiadów ò placach i òsobach zrzeszonëch ze sztôłtowanim szmaczi w òblôkanim sã westrzód mieszkańców regionu. Za przëmiar pòdelë krómë, bùticzi, lumpeksë, znóné wësziwôrczi, tkôczczi abò rzemiãsników. Célã wëstòwkù je przekôzanié rzetelnégò òbrazu kaszëbsczich ruchnów, daleczégò òd stereòtipów.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze