Òkrãtë jadącé pò szwédzczich wòdach czãscy bãdą sã pòtikałë z kòntrolnyma patrolama.
Òd niedzelë pierszégò czerwińca Szwédzkô mô przëjãté nowé regle kòntrolë zagrańcznëch òkrãtów na Bôłce. Òd terô Szwédzkô Kòlbrzéżnô Starżô i Mòrskô Administracjô bãdą mògłë ùbezpieczac wszëtczé òkrãtë, jaczé mdą przepłiwałë przez teritorialné wòdë Szwédzczi abò ji ekònomiczną conã, czej dotądka robiłë to leno w przëtrôfkù òkrãtów dobijającëch do pòrtu. Premiéra Ùlf Kristersson cwierdzy, że dzãka temù ùmòcni sã rola szwédzczi flotë na mòrzu, co bãdze òdstrôszającym dzejanim dlô jednostków prowadzącëch sabòtażowé òperacje. Jidze tu ò ruską „flotã céniów” nikwiącą pòdmòrsczé kôble i gazocëdżi. Nowé regùlacje a prakticzi mają téż dotëgòwac tak Szwédóm jak jich zdrësznikóm przistãp do wôżnëch infòrmacjów ò dzejanim rusczich służbów na Bôłce.
Twoje zdanie jest ważne jednak nie może ranić innych osób lub grup.
Komentarze opinie