Reklama

Ùtczëlë pamiãc zabitëch w Piôsznicë

Klëka

07/10/2025 08:36

Jak co rok w Piôsznicë bëła ùroczëzna ùpamiãtniwającô pòmòrdowónëch òb czas drëdżi swiatowi wòjnë Pòmòrzón. Pòswiãcony béł przë tim nowi òbiekt.

W niedzelã piątégò rujana w Piôsznicczim Lasu przëbôczoné òstałë wëdarzenia z drëdżi swiatowi wòjnë. Pamiãc pòmòrdowónëch z rãk niemiecczich òkùpantów ùtczëłë midzë jinszima rodzëznë òfiarów, przedstôwcë samòrządów, Kòscoła, państwòwëch wëszëznów i wòjska. Wójt gminë Wejrowò Przemësłôw Czedrowsczi gôdôł ò tim, że pamiãc ò tak tragednëch wëdarzeniach miałabë bëc nôùką dlô dzysdniowëch pòkòleniów i przëbôczëwac, że wòjna je czims złim i nie słëchô sã ji pòwtarzac. Na latosy ùroczëznie pòswiãcony béł téż nowi pamiãtnik na wdôr pò lasewëch zabitëch w Piôsznicë. Mszã za dëszë òfiarów òdprawił pòmòcny biskùp gduńsczi archidiecezje Wiesłôw Szlachetka razã z ksãdzã infułatã Danielã Nowakã, kùstoszã piôsznicczégò sanktuarium.

H.S.Sz.