Tôfla òficjalno pòchôdającô z póznégò rzimskò-bizantińsczégò cządu z rãków nowégò nabiwcë mòże trafic do mùzeùm. Tam bãdą mòglë dokładni zbadérowac ji ùszłotã.
We strzodã 18. gòdnika w aùkcjowim dodomu Sotheby's w Nowim Jorku przedónô òstała nôstarszô znónô kamianô tôfla z tekstã dzesãc przëkôzaniów. Kùpiający dôł za niã 5,4 mln dolarów, co je dwa razë wicy jak òbtaksowiwelë znajarze òd aùkcjów. Chãtny na kùpisz datowóny na 1500 lat tôflë licytowelë sã przez wicy jak 10 minut, nigle skôrb w kùńcu trafił do anonimòwégò dobiwcë, jaczi zapòwiôdô, że przekôże jã dali mùzeùm w Izraelu.
Kam, co mô wôgã 52 kg i wëszawã 60 cm, mô dwadzesce linijków tekstu biblijnëch przëkôzaniów w wersje brëkòwóny przez spòlëznã Samaritanów, zapisóny paleòhebrajsczim alfabetã. Wedle wëstôwiającégò, mia òstac nalazłô w 1913 rokù òb czas robòtów nad bùdacją nowi banowi sztreczi na terenie, gdze dzysdnia je Izrael. Òsta pòdłożonô pòd wchód do priwatny chëczë, gdze leżała przez cziledzesąt lat, jaż w kùńcu w 1943 rokù òstała przedónô badérze, chtëren rozpòznôł tekst na kamieniu. Òd te czasu tôfla przechôdała midzë czile priwatnyma miéwcama.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie