Reklama
Tigrisë padłë na psową chòrosc
26/02/2026 09:24
Nisczé sztandardë w zwierzińcach Tajlandie to zagrôżba dlô żëcégò trzimónëch tam zwierzãt. Jeden z parków pòzwôlôł na direktny dotëk.
W turisticznym parkù Tiger Kingdom w Chiang Mai w Tajlandie w gromicznikù w dwa tidzenie padłë sétmëdzesąt dwa tigrisë. Zachòrzałë na nosówkã, jaczi wirus zwëczajno sã przenôszô pòmidzë psama. Nie je wiedzec, jak wirus wlôzł do ti pòpùlacje. Wzãlë ju pòd badérowaniô kùrë, jaczé dôwelë tigrisóm do jedzeniô. Media równak kritikùją to, jak park béł prowadzony – turiscë mòglë tam pòdchadac do zôgrodów tigrisów dosc krótkò, a z nima jich tósze. Tajsczi direktór Departamentu Chòwë Zwierzãt Somchuan Ratanamungklanon dôł do wiadë, że z wëkrëcym chòrosców ù dzëwëch zwierzãt na wczasnëch stadiach je wiedno jiwer. Czej robòtnicë parkù zmerkelë symptomë, dlô tigrisów bëło ju za pózdno na retënk. Scyrz zwierzãt òstôł ju bezpieczno rëmniãti z parkù, a na czas dezynfekcje zarządzëna zamkła gò dlô òdwiédzającëch na dwa tidzenie.
H.S.Sz.
Załączniki
Źródło i opracowanie własne
Aktualizacja: 26/02/2026 14:54
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze