Felënk przistãpù do ùsłëdżi zbùdzył pòrëch ù Amerikanów, ale TikTok chùtkò wrócył. Donald Trump zapòwiedzôł, że zakôz dzejaniô dlô ti platfòrmë òstónie òdłożony na 90 dni.
W piątk 17. stëcznika Nôwëższi Sąd USA òdrzucył skargã platfòrmë TikTok procëm ùstawie ò zakazu distribùcje aplikacje na amerikańsczim rënkù tak długò, jak słëchac òna bãdze dzysdniowémù gwôscëcelowi, chińsczi firmie ByteDance. Kòngres przëjął prawò łoni czerëjącë sã m.jin. infòrmacjama, że TikTok szpiegùje swòjich brëkòwników. Tegò samégò dnia Biôłi Dodóm wëdôł òswiôdczenié, że nie bãdze egzekwòwôł prawa wchôdającégò w żëcé w niedzelã 19. stëcznika, kò je to slédny dzéń prezydenturë Joe Bidena i ta sprawa òstónie przekôzónô administracje nowégò prezydenta. Nimò to, TikTok wëłącził swòje ùsłëdżi w USA. Służbë òdnotérowałë rost łączbów na alarmòwi numer telefònu 911 – nôscelatkòwie i dzecë miałë zwònic, żebë „wërazëc swòjã miłosc do TikToka w związkù z jegò wëłączenim”. Chùtkò platfòrma znowiła swòje dzejanié pò zagwësnienim Trumpa, że TikTok nie òdpòwié za łómanié zakazu, a òn zarô pò inaùgùracje zawiesy dzejanié zakazu na 90 dni. W tim czasu rząd USA mô dogadac sã z miéwcama TikToka. Trump bédëje, bë 50% ùdzélu z platformë przëpôdało Stanóm.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie