Reklama
To jidze òdnowa Nowégò Swiata
23/02/2026 09:58
Eùropejsczé Fùndusze i Skôrb Państwa dołożą sã do projektu, jaczi mô pòdwignąc lãbòrską dzélnicã z niedrësznëch warënków i lëchégò miona.
Do Lãbòrga trafi wnet jednôsce miliónów dofinancowaniô na sztërë projektë. Célã je cawné òdjinaczenié dzélnicë Nowi Swiat. Dzysdnia ten part gardu biôtkùje ze stolëmnym wëlëdzenim, bezrobòcym, energeticzną biédą, ùzanôleżnieniama, niską spòlëznową aktiwnoscą i sómnotą starszich lëdzy. Cygnie sã za nim prosto òpiniô lëchi dzélnicë. Inwesticje w rewitalizacjã Nowégò Swiata bãdą namienioné w przédny rédze spòlëznie i ùprawienim jakòscë żëcô mieszkańców. Ùdbóné są remòntë mieszkalnëch bùdinków i tëch w rãkù spòlëznowëch institucjów, jak Strzodowiszczowégò Dodomù Samòpòmòcë „Lwiątkò” czë Òsedlowégò Klubù „Baza”, gdze zaczną téż dzejac pùnktë wspiarcô dlô rodzëznów i lëdzy z niefùlsprôwnoscama a jich òpiekùnów. Do mieszkańców dzélnicë bãdze sczerowónô seriô programów warkòwi aktiwizacje, biôtczi z nôłogama i psychòlogiczny pòmòcë. To bëło ùgôdóné na zetkanim w Marszałkòwsczim Ùrzãdze we Gduńskù, gdze Lãbórg reprezentowôł bùrméster Jarosłôw Litwin, a wòjewództwò marszôłk Mieczësłôw Struk i wicemarszôłk Môrcën Skwierawsczi.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze