Resort zajimô sã dëtkòwim wspiarcym dlô szkół na federalny rówiznie. Do jegò likwidacje nót je zgòdë Senatu.
We czwiôrtk dwadzestégò strëmiannika prezydent Zjednónëch Stanów Donald Trump pòdpisôł rozpòrządzenié, w jaczim kôzôł szefòwi Departamentu Edukacje Lindze McMahon podjimniãcé brëkòwnëch kroków, żebë zletczëc jegò zamkniãcé i przekôzanié jegò kòmpetencjów wëszëznóm apartnëch stanów. Likwidacjô departamentu bëła jednym z welownëch przërzeczeniów Trumpa, a téż jednym z célów pòliticzi repùblikańsczi partie òd jegò ùsadzeniô w tësąc dzewiãcset sétmëdzesątim dzewiątim rokù za prezydenturë Jimmy'égò Cartera, przedstôwcë demòkratów. Do zjisceniô tegò przërzeczeniô Trump bãdze brëkòwôł równak zgòdë szescdzesąt senatorów z Kòngresu, czej repùblikanie mają jich piãcdzesąt trzech. Amerikańsczi Departament Edukacje zajimô sã ùdzélanim federalnëch dotacjów dlô szkół i szkòłowëch programów a téż sztudérsczich pòżiczków, dëtkama dlô szkólnëch zajimającëch sã ùczniama ò specjalnëch brëkòwnotach i ùdëtkòwienim artisticznëch programów i remòntów. Trump chce przekazac te kòmpetencje stanóm, żebë ògrańczëc wëdôwczi na programë propagùjącé lewicowé dejologie. Prokùratorzë z partie demòkratów zapòwiôdają złożenié sądowi wezwë dlô zasztopaniô likwidacje resortu.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie