W czôpce zapòwiôdający niekònstitucjową trzecą kadencjã swòjégò tatka pòkôzôł sã w spòlëznowëch mediach Eric Trump. Jidze ju je kùpic w internetowim krómie.
W internetowim krómie Donalda Trumpa pòkôzałë sã nowé mùce z rilã, kòszëlczi i chłodzôrczi do bùsków. Są na nich nôdpisë „Trump 2028” a téż „Przepisac regle!” – òdnôszô sã to do ùdbë, żebë terny prezydent Zjednónëch Stanów kandidowôł w dwa tësące dwadzestim ósmim rokù na swòjã ósmą kadencjã. Bróni mù tegò równak amerikańskô kònstitucjô – wedle dwadzesti drëdżi pòprôwczi, przëjimniãti pò smiercë Franklina Delano Roosevelta na zôczątkù jegò czwiôrti kadencje, nicht ni mòże bëc wëbróny na prezydenta wicy jak dwa razë. Trump równak ju przódë gôdôł, że chcôłbë kandidowac trzecy rôz, czejbë leno bëła takô mòżebnosc. Żebë kandidowac za trzë lata, przëstojnicë Trumpa mùszelëbë przewelowac zjinakã kònstitucje, do czegò nót je dwùch trzecëch głosów w Kòngresu i ratifikacje przez co nômni trzëdzescë òsmë stanów. Gôdô sã téż ò szukanim za lukama w prawie – kandidowac bë mógł na przëmiôr terny wiceprezydent James Vance, a tej zarô bë zeszedł z ùrzãdu i przekôzôł włôdzã Trumpòwi. Repùblikanie bédowelë téż taką pòprôwkã, żebë limit dwùch kadencjów òbrzesziwôł blós tedë, czejbë òne bëłë trzimóné za régą.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie