Reklama

Trump zapòwiôdô depòrtacje i sztrôfã smiercë

Klëka

12/10/2024 11:04

Ze swiata, Trump zapòwiôdô depòrtacje sztrôfã smiercë - zdjęcie, fotografia

Ùszłi prezydent USA na slédnym wiecu grzimnął w imigrantów, zapòwiôdającë ùrësznienié drasticznëch spòsobów procëm nim.

W piątk 11. rujana Donald Trump dôł przemòwã w Aùrorze, gardze niedalek Denver, stolëcë stanu Kòlorado. Bëła to jak dotądka jedna z òstrzészich przemòwów Trumpa òb całą latosą welacjową kampaniã. Kandidat repùblikanów na prezydenta Zjednónëch Stanów prowadzył mòckò procëmimigracjową retorikã, nawlékającë do klaprów ò wenezuelsczich gangach, chtërne wedle niegò miałë przez òkùpacjã przejic kòntrolã nad dzélama gardu, czemù przékùje bùrméster Aùrorë, Mike Coffman, nôleżnik Repùblikańsczi Partie.
Trump narzesziwôł téż do szerszi kwestie nielegalny imigracje w Zjednónëch Stanach. „Terô deklarëjã a przësygóm wama: 5. smùtana 2024 bãdze dniã wëzwòleniégò Americzi” – zagwësniwôł, przebôcziwającë dzéń prezydencczi welacje. Zapòwiedzôł, że pò òbjãcym ùrzãdu ùżëje ùstawù Alien Enemies Act z 1792, jaczi pòzwôlô na depòrtacjã migrantów, chtërny pòchôdają z krajów, z jaczima Stanë mają wòjnã. „Zaczniemë nôwikszą depòrtacjową òperacjã w historie Zjednónëch Stanów” – gôdôł. Bédowôł téż wprowadzenié sztrôfë smiercë dlô kòżdégò migranta, jaczi bë zabił amerikańsczégò òbëwatela abò òficérã pòrządkòwëch służbów.

Czytaj nas w Google

Dodaj do Google

Źródło i opracowanie własne